#SHAN
သျှမ်းသံတော်ဆင်ႉသတင်းဌာနသည် လွတ်လပ်သောသတင်းဌာနအဖြစ် ၂၈ နှစ် ကျော် ရပ်တည်လာသည့် သက်တမ်းတွင် အသက်အန္တရာယ်အထိ စိန်ခေါ်မှုများကြုံတွေ့ရ သော်လည်း လူထုအတွက် မှန်ကန်သည့် သတင်းအချက်အလက်များအား နည်းမျိုးစုံဖြင့် မရပ်မနား ရေးသားဖော်ပြလာခဲ့သည်။
“လူထုအသံ သျှမ်းသံတော်ဆင့်အသံ” ဆိုသည့် ဆောင်ပုဒ်အတိုင်း ချမှတ်ဖော်ဆောင်လာသည့် အတွက် ဖတ်ရှုအားပေးသည့်ပရိသတ် အင်အား တစ်လ ၁.၅ သန်းကျော် ရှိသည်။
လူထုထံ သတင်းမှန်ရောက်ရှိဖို့ သျှမ်းသံတော်ဆင့်မှ ရှမ်း၊ မြန်မာ၊ အင်္ဂလိပ် ဘာသာဖြင့်အွန် လိုင်းနေ့စဉ်သတင်း၊ ရုပ်သံသတင်း၊ လစဉ်ထုတ်မဂ္ဂဇင်း၊ ၂၄ နာရီ ထုတ်လွှင့်နေသည့် အွန်လိုင်းရေဒီယို စသည့်လုပ်ငန်းစဉ်များ ပုံမှန်လည်ပတ် နေပါသည်။
ယခုကဲ့သို့ လုပ်ဆောင်နေရခြင်းမှာ လူထုတစ်ရပ်လုံးတန်းတူ အခွင့်အရေးရရှိစေရေး၊ စစ်မှန်သောဖက်ဒရယ်ဒီမိုကရေစီပြည်ထောင်စုပေါ်ထွန်းလာရေး၊ လူနေမှုအဆင့် အတန်း မြှင့်တင်ပြီး တိုင်းပြည်ဖွံ့ဖြိုးတိုးတက်စေရေး တို့ဖြစ်သည်။
လက်ရှိ သျှမ်းသံတော်ဆင့်သည် ရှမ်းပြည်နယ်မြို့ တော် တောင်ကြီးမြို့တွင် ပြောင်းလဲအခြေချကာ ၂၀၁၃ ခု မှစ၍ နိုင်ငံတော်အစိုးရထံ မှတ်ပုံတင်ပြီး မီဒီယာလုပ်ငန်းများတရား၀င် လုပ်ကိုင်လာခဲ့သည်။
သို့သော် ငှားရမ်းထားသည့် ရုံးခန်းမှာ ကျဉ်းကျပ်သဖြင့် မီဒီယာလုပ်ငန်းများလည်ပတ်ရေး၊ သတင်းလုပ်ငန်းမြှင့်တင်နိုင်ရေး၊ ရုံးခန်းငှားရမ်းခမြင့်မားရေး၊ အိမ်ရှင် အိမ်ငှား သဘောတူညီချက် ကန်သတ်ချုပ်ချယ်ထားသည့်အတွက် အခက်ခဲ ပေါင်းများစွာ ရင်ဆိုင်နေရပါသည်။
ဒီ့အတွက် Multi-Media အဆင့်တက်လှမ်းနေသည့် သျှမ်းသံတော်ဆင့်သတင်းဌာနအတွက် သတင်းခန်း၊ သင်တန်းခန်း၊ ရုပ်သံရိုက်ကူးရေး စတူဒီယိုအခန်း၊ ရှမ်းပြည်နယ်ဆိုင်ရာ အချက်အလက် စုဆောင်းရေးစင်တာ၊ လူထုသတင်းပြန်ကြားရေးစင်တာအတွက် သျှမ်းသံတော်ဆင့်ရုံးတည်ဆောက်ဖို့ ပြင်ဆင်လာရခြင်း ဖြစ်ပါသည်။
With Thanks
Supporter
0 MMK
0 THB
0 USD
0 CNY
0 GBP
0 SGD
Grand total 0 MMK
Needed of MMK 400,000,000 goal
#SHANအုတ်တစ်ချပ်ကူပါ
- “စာကလေး က သက်ကယ်လေးတချောင်းသယ်နိုင်၊ ဆင်ကြီးက သစ်တုံးကြီး သယ်နိုင် ဆိုတဲ့ သျှမ်းစကားပုံလိုပေါ့။ ကိုယ်တတ်စွမ်းနိုင်သလောက် နည်းများမဆို စုပေါင်းအင်အားနဲ့ သျှမ်းသံတော်ဆင့်သတင်းတိုက်ကို ဝိုင်းဝန်းတည်ဆောက်ကြပါ ” သျှမ်းပြည်နယ်လွှတ်တော်ဥက္ကဌ စိုင်းလုံးဆိုင် “ပြီးမြောက်အောင် ကြိုးစားဆောင်ရွက်ပါ။ ထောက်ခံအားပေးပါတယ်။”
စဝ်ခွန်းဆိုင်
- "ခုကတည်းက ကြိုးစားပြီးလုပ်သွားပါတော့ ။ မကြိုးစားရင်လည်း ဖြစ်မြောက်မှာမဟုတ်ဘူး။ သျှမ်းသံတော်ဆင့် ၂၇ နှစ်ပြည့်တုန်းက ကျနော်တကြိမ်လှူဒါန်းပြီးပါပြီ။ အခုလည်း ဆက်ပြီး ကူညီသွားမယ်။ ကျနော်မိတ်ဆွေတွေ သူငယ်ချင်းတွေကို လည်းသွားရောက် ပြောကြားမိတ်ဆက် ထားပါတယ်။ သူတို့ဘက်က ၂ သိန်းကျပ် လှူဒါန်းပေးပို့လာပါတယ်။"
လုံးစိုင်းညွန့်
- "ကျနော်တို့ကိုမျက်စိဖွင့် နားဖွင့်ပေးနိုင်တာ မီဒီယာတွေဘဲရှိပါတယ်။ သျှမ်းသံတော်ဆင့် သတင်းဌာန အယ်ဒီတာချုပ် စိုင်းဟတ်ခေးက ဒီမှာ (တောင်ကြီးမှာ) မာဒီမီဒီယာသတင်းတိုက် လာလုပ်မယ်လို့ လာပြောပြလို့ ကျနော်တို့အရမ်းကို ဝမ်းမြောက်ဝမ်းသာဖြစ်မိတယ်။ အနာဂတ်လူငယ်တွေ ကိုဆက်လက်ပြီး မျက်စိဖွင့်နားဖွင့်ပေးပါ။ ကျနော်အခု မြေ ဧကဝက် လှူဒါန်းပါမယ်။"
ဦးစိုင်းခမ်းတီ
- “ပြီးမြောက်အောင် ကြိုးစားဆောင်ရွက်ပါ။ ထောက်ခံအားပေးပါတယ်။”
စိုင်းလုံးဆိုင်
- "မီဒီယာသမားလဲ သီလ ၅ ပါး စောင့်ထိန်းရမှာဘဲ။ ကောင်းတယ်။ ဆက်ကြိုးစားပါ။ ဆက်ပြီး ဘဏ်က နေ ကူညီထောက်ပံ့မှုပေးသွားမှာပါ။"
စဝ်ဆုခမ်း
- "ကျနော်တို့မှာ အင်အားနည်းနေပေမယ့် ကျနော်တို့စေတနာတော့မနည်းပါဘူး။ ကျနော်တို့ လိုပါတီတွေက နိုင်ငံရေးတွေဘယ်လောက်လုပ်နေနေ မီဒီယာတွေကနေ သတင်းဖြန့်မပေးရင် ဒေသခံလူထုတွေက သိနိုင်ဖို့ လွယ်ကူမှာမဟုတ်ဘူး။ ဒါကြောင့် ကျနော်တို့တတ်နိုင်သလောက် ကူညီထောက်ပံ့မှုပေးသွားပါမယ်။ သျှမ်းသံတော်ဆင့် အဆတစ်ရာ တထောင်မက တိုးတက်အောင် မြင်ပါစေ။ "
စိုင်းနောင့်
“ တောင်ကြီးမြို့ ကျားခေါင်းပါတီ အတွင်းရေးမှူး”- "သျှမ်းသံတော်ဆင့်သတင်းဌာန - မယိမ်းမယိုင်ဘဲ လူထုအသံ ဆက်လက်တည်သွားပါ။ လောလောဆယ်တော့ ဒီလောက်ကူညီပါရစေ။ ရုံးမြေဂရန်ရဖို့ အတွက် ကူညီ ဆောက်ရွက်ပေးလိုက်ပါ - (တာ၀န်ရှိသူအားညွှန်ကြား)"
ဦးစိုင်းစွံဆိုင်း
- "ဟိုးအရင်တုန်းက ကျနော်တို့ကို မျက်မှန်မဲကြီး တပ်ပေးတယ်။ အခုတော့ မျက်စိအလင်း ဖွင့်ပေးတဲ့သူရှိပြီလေ။ လောလောဆယ်တော့ ဒီလောက်ကူညီပါရစေ။ ရှေ့ဆက် ဆက်လက်ကူ ညီပေးသွားပါမယ်။"
စိုင်းဆာမ်
- "လူထုအသံ သျှမ်းသံတော်ဆင့် အသံ ဆိုတဲ့ ဆောင်ပုဒ် အတိုင်း ကျနော်တို့ကအမှန်တရားနဲ့အတူ လူထုဘက်ကနေ အမြဲရပ်တည်သွားမှာပါ။ ဒါ့ကြောင့် အခု ရုံးဆောက်ဖို့ ဆိုတာကလဲ လူထုအသံမြှင့် တင်ဖို့ပဲလေ။ ဒီကနေ့ ကျနော်တို့ မျိုးစေ့၊ ပျိုးပင်တွေဟာ အနာဂတ်မှာ အသီးအပွင့်တွေဝေဆာတဲ့ အပင်ကြီးတွေဖြစ်လာစေဖို့အတွက် အပင်ပန်းခံပြီး ကြိုးစားနေတာဖြစ်တယ်။ "
စိုင်းယီဖုန်းမိဏ်း (ဟတ်ခေး)
