“ အုတ်တစ် ချပ်ကူပါ”

သျှမ်းသံတော်ဆင့် သတင်းတိုက်တည်ဆောက်ဖို့ အတွက် ၂၀၁၉ မတ်လ ၃ ရက်နေ့က “ အုတ်တစ် ချပ်ကူပါ” မိတ်ဆုံညစာစားပွဲတရပ်ကို သျှမ်းပြည်နယ်မြို့တော် တောင်ကြီးမှာ ပြုလုပ်ခဲ့ပါတယ်။ အဲဒီ ညစာစားပွဲမှာ သျှမ်းပြည်နယ်လွှတ်တော် ဥက္ကဌ ကိုယ်တိုင်ကြွရောက်အားပေးခဲ့ပြီး ငွေကြေးပါဝင် ထောက်ပံ့ကူညီပေးခဲ့ပါတယ်။

 “အုတ်တစ်ချပ်ကူပါ ” ညစာစားပွဲကို  ဒေသခံ  စီးပွါးရေးလုပ်ငန်းရှင်တွေ၊ ဟိုတယ်ပိုင်ရှင်တွေ၊ စက်ရုံ အလုပ်ရုံ ပိုင်ရှင်တွေ၊ လူမှုအခြေပြုအသင်းအဖွဲ့တွေ၊ နိုင်ငံရေးပါတီတွေနဲ့ တောင်ကြီးမြို့ တက္ကသိုလ် များ သျှမ်းစာပေယဉ်ကျေးမှုအသင်းမှ ကျောင်းသားလူငယ်တွေဖြစ်တဲ့ စေတနာရှင် မိဘပြည်သူ ၆၀ ခန့်တက်ရောက်ခဲ့ပါတယ်။

“ အုတ်တစ် ချပ်ကူပါ”

သျှမ်းပြည်နယ်အစိုးရအဖွဲ့ စည်ပင်သာယာရေးဝန်ကြီး ဦးစိုင်းစွံဆိုင်း ကတော့ ညစာစားပွဲကို မတက် ရောက်နိုင်ခဲ့ပေမယ့် ရုံးဆောက်ဖို့ ရံပုံငွေ ကူညီထောက်ပံႉပေးတဲ့အပြင် မြေနေရာအတွက် တရား ၀င်စာရွက်စာတမ်းထွက်ရှိနိုင်ရေး ညွှန်ကြားစီစဉ်ပေးခဲ့ပါတယ်။

အဲဒီညစာစားပွဲအပြီး နောက်တရက် မတ်လ ၄ ရက်နေ့မှာတော့ သျှမ်းသံတော်ဆင့်အဖွဲ့သားတွေက တောင်တန်းသာသနာပြုဆရာတော် စဝ်ဆုခမ်းကို တောင်ကြီးမြို့ လွယ်လုံပရဟိတကျောင်းမှာ တွေ့ ဆုံရာမှာ ဆရာတော်က ငွေကျပ် ၁၀ သိန်း ထောက်ပံ့ခဲ့ပါတယ်။

ဒါကြောင့် လောလော ဆယ် သျှမ်းသံတော်ဆင့်သတင်းတိုက်ဆောက်လုပ်ရေးအတွက် လက်ထဲမှာ ငွေကျပ် သိန်း ၁၅၀ ကျော် လက်ခံရရှိထားပါတယ်။

LEAVE A REPLY

Please enter your comment!
Please enter your name here